Мектеп театры 1-4 сыныптар бойынша қойылым
Мектеп театры «Ертегілер елінде»
Бастауыш сынып оқушыларының өнерімен өткен “Ертегілер елінде” сахналық қойылымы ерекше әсерлі және қызықты болды. Балалар ертегі кейіпкерлерін шынайы әрі көңілді түрде сомдап, көрермендерді ертегі әлеміне саяхат жасатты.
Қойылым барысында оқушылар өздерінің шығармашылық қабілеттерін көрсетіп, көрермендерге көтеріңкі көңіл-күй сыйлады. Әдемі костюмдер, әсерлі музыка және сахналық қойылымның мазмұны кештің маңыздылығын арттырды. Бұл шара балалардың сөйлеу мәдениетін дамытуға, өзіне деген сенімділігін арттыруға және шығармашылық қабілеттерін шыңдауға ықпал етті.
Көрермендер жас әртістердің өнеріне тәнті болып, қойылымды жылы ықыласпен қабылдады. Жалпы, кеш өз мақсатына жетіп, кішкентай өнерпаздардың талантын танытуға тамаша мүмкіндік болды.